Прысуд Надзеі Саўчанка: ачэплены будынак суда, казакі і правакацыі (відэа)
У растоўскім Данецку ачэплены будынак суда, дзе сёння пачнецца абвяшчэнне прысуду ўкраінскай лётчыцы Надзеі Саўчанка. Адвакат папярэджвае, што могуць рыхтавацца правакацыі.
Як перадае інфармацыйнае агенцтва УНІАН, Ленінскі праспект горада, дзе знаходзіцца будынак суда, ачэплены расійскімі праваахоўнікамі з аўтаматамі, рух па праспекце спынены.
У радыусе 50 метраў ад суда нацягнутая чырвона-белая стужка, якая абмяжоўвае падыход да суда. На месцы дзяжураць некалькі дзясяткаў расійскіх паліцэйскіх, людзей у камуфляжнай форме, а таксама мясцовых казакоў.
Адзін з абаронцаў Саўчанкі Мікалай Полазаў напісаў у Facebook, што ў Данецку рыхтуюцца правакацыі супраць замежных прадстаўнікоў, дэпутатаў Вярхоўнай Рады і адвакатаў:
«Паступаюць паведамленні, што пракрамлёўскія радыкальныя арганізацыі тыпу „Антымайдан“ і „Нод“ рыхтуюць правакацыі ў растоўскім Данецку каля суда ў дні абвяшчэння прысуду па справе Надзеі Саўчанкі. Аб’ектамі дадзеных правакацыяў могуць выступіць замежныя прадстаўнікі, дэпутаты Вярхоўнай Рады, адвакаты», — паведаміў Полазаў.
Ён таксама кажа, што ўкраінцам, якія прыязджаюць у Расію з мэтай прысутнічаць у судзе падчас абвяшчэння прысуду Саўчанкі, адмаўляюць ва ўездзе.
На дадзены момант журналістаў у будынак суда не прапускаюць, пачатак абвяшчэння прысуду запланаваны на 11.00. Мяркуецца, што зачытваць прысуд будуць два дні.
Суд распачнецца "Радыё Свабода" вядзе жывую трансляцыю з судовай залы:
Раней абвінавачанне запатрабавала прысудзіць яе да 23 гадоў зьняволеньня, а абарона — цалкам апраўдаць.