Расія пачала вучэнні з ракетнымі ядзернымі сіламі

Расія пачала вучэнні з ракетнымі войскамі стратэгічнага прызначэння. Пра гэта паведамляе Мінабароны РФ.


У Іванаўскай вобласці аўтаномныя пускавыя ўстаноўкі рухомага грунтавога ракетнага комплексу «Ярс» Тэйкаўскага злучэння ў рамках вучэнняў пачалі манеўры на маршрутах баявога патрулявання, піша REFORM.by.

У вучэннях задзейнічаныя каля 1000 вайскоўцаў і больш за 100 адзінак тэхнікі. Адпрацоўваецца высоўванне ракетных комплексаў на палявыя пазіцыі, здзяйсненне маршаў на адлегласці да 100 кіламетраў, разгрупаванне комплексаў, інжынернае абсталяванне пазіцый, маскіроўка і баявое ахоўванне.

«Праводзіцца шэраг мерапрыемстваў па выяўленні, блакаванні і знішчэнні ўмоўных дыверсантаў, у тым ліку з прымяненнем новых баявых супрацьдыверсійных машын “Тайфун-М”, аснашчаных беспілотнымі лятальнымі апаратамі. Акрамя таго, падчас манеўраў задзейнічана машына дыстанцыйнага размініравання «Лістота» для суправаджэння рухомага грунтавога ракетнага комплексу «Ярс» на маршрутах баявога патрулявання. Паводле легенды вучэння, на маршруце руху калоны ўмоўныя дыверсанты заклалі дыстанцыйна кіраваныя выбуховыя прылады. МДР абясшкодзіла іх на абочыне дарогі» — паведаміла прэс-служба расійскага абароннага ведамства.

Усяго ў летнім перыядзе навучання ў РВСП запланаваныя больш за 300 мерапрыемстваў спецыяльнай падрыхтоўкі, у тым ліку больш за 100 вучэнняў рознага ўзроўню.

«Ярс» — расійскі стратэгічны ракетны комплекс з цвёрдапаліўнай міжкантынентальнай балістычнай ракетай мабільнага і шахтнага базіравання з падзяляючаюся галаўнога часткай. Ён з'яўляецца мадыфікацыяй комплексу «Тополь-М». «Ярсы» знаходзяцца на ўзбраенні з 2009 года. Максімальная далёкасць ракеты — 12 тысяч км, дакладнасць траплення — 120-150 метраў. Можа несці 3-4 боегалоўкі агульнай магутнасцю зарада 300-500 кілатон. Ракетныя комплексы пабудаваныя на базе шасі МЗКЦ-79221.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: