Разбураныя гарады, больш за 2 тысячы загінулых — наступствы землятрусу. Шмат ФОТА

На паўднёвым усходзе Турцыі за некалькі дзесяткаў кіламетраў ад мяжы з Сірыяй адбыўся землятрус магнітудай 7,8, які прывёў да маштабных разбурэнняў. На працягу некалькіх гадзін былі зафіксаваныя некалькі дзясяткаў афтэршокаў, наймацнейшы з якіх быў практычна супастаўны па магнітудзе з першапачатковым штуршком.

Прэзідэнт Турцыі Эрдаган назваў землятрус найбуйнейшым у гісторыі краіны з моманту Эрзінджанскага землятрусу 1939 года, калі загінулі амаль 33 тысячы чалавек.


Разбураны жылы дом у Ідлібе, СірыяAnas Alkharboutli / dpa / Scanpix / LETA
У выніку землятрусу была разбурана гістарычная крэпасць Газіянтэпа, збудаваная ў часы Рымскай імперыі. У Сірыі пашкоджана цытадэль Алепа, унесеная ў спіс Сусветнай спадчыны ЮНЭСКА разам з іншымі аб'ектамі Старога горада. У 2021 годзе цытадэль, якая пацярпела падчас грамадзянскай вайны, ужо аднаўлялі пасля пашкоджанняў.


Пошукава-выратавальная аперацыя ў горадзе Афрын, Сірыя.Ugur Yildirim / dia images / Getty Images

Пацярпелыя ў шпіталі ў сірыйскай правінцыі ІдлібGhaith Alsayed / AP / Scanpix / LETA
Паводле Геалагічнай службы ЗША, землятрус адбыўся на глыбіні 17,9 км і меў магнітуду 7,8. Паведамляюць пра серыю штуршкоў, адзін з іх быў магнітудаю 6,7.
«Спалучэнне вялікай магнітуды і малой глыбіні зрабіла гэты землятрус надзвычай разбуральным», — сказаў Мугамэд Кашані, дацэнт кафедры структурнай і сейсматрывалай інжынерыі Саўтгэмптанскага ўніверсітэту.


Ратавальнікі эвакуююць параненага з разбуранага будынка. Дыярбакыр, ТурцыяRefik Tekin / EPA / Scanpix / LETA

Ратавальнікі шукаюць пацярпелых і загінулых на развалінах жылога дома. Дыябакыр, ТурцыяRefik Tekin / EPA / Scanpix / LETA

Разбураны шматпавярховы жылы дом. Хама, СірыяSANA / EPA / Scanpix / LETA

Ратавальнікі збіраюць тых, хто перажыў землятрус на ўзвышшы. Джандарыс, СірыяKhalil Ashawi / Reuters / Scanpix / LETA

Джандарыс, СірыяKhalil Ashawi / Reuters / Scanpix / LETA

Джандарыс, СірыяKhalil Ashawi / Reuters / Scanpix / LETA

Мужчына нясе ахвяру землятрусу. Джандарыс, СірыяKhalil Ashawi / Reuters / Scanpix / LETA

Дыярбакыр, ТурцыяSertac Kayar / Reuters / Scanpix / LETA

Дыярбакыр, ТурцыяSertac Kayar / Reuters / Scanpix / LETA

Ратавальнікі выносяць дзяўчынку, выратаваную з-пад абломкаў. Дыярбакыр, ТурцыяSertac Kayar / Reuters / Scanpix / LETA
Землятрус магнітудай 4,8 сёння адбыўся за 29 км на захад ад Ісламабада, Пакістан.
Землятрус магнітудай 5,4 адбыўся сёння таксама ў Казахстане.
Эпіцэнтр землятрусу размешчаны на поўдні Казахстана паміж Шымкентам і Туркестанам. Падземныя штуршкі магнітудай 2-3 адчуваліся ў Шымкенцы, 2 балі - у Таразе.