У ПАСЕ аднагалосна прагаласавалі за выключэнне Расіі з арганізацыі

Члены Парламенцкай асамблеі Савета Еўропы аднагалосна прагаласавалі за выключэнне Расіі з арганізацыі, паведаміла старшыня ПАСЕ Ціні Кокс ў сваім блогу ў Twitter.

Расію выключаць з арганізацыі пасля 25 гадоў сяброўства, адзначае REFORM.by.

За прагаласавала 216 прадстаўнікоў, супраць — ніхто, устрымалася трое. Паведамляецца, што фінальнае рашэнне прыме Камітэт міністраў Савета Еўропы 17 сакавіка.

Нагадаем, у Дзярждуме Расіі заявілі, што ліст РФ аб выхадзе са складу Савета Еўропы перададзены генеральнаму сакратару Савета Еўропы.