У Польшчы стварылі партал аб сітуацыі на мяжы

У Польшчы створаны партал, прысвечаны сітуацыі на беларуска-польскай мяжы.

На рэсурсе gov.pl/granica размешчаны фота- і відэаматэрыялы, навіны, кантакты ведамстваў для прэсы. Аўтары адзначаюць, што дынамічна змяняецца сітуацыя, і кожны дзень прыносіць новую інфармацыю і праблемы, паведамляе REFORM.by.

«Хлусня, дэзінфармацыя і выкарыстанне драматычнай сітуацыі людзей, якія жывуць у блізкаўсходнім рэгіёне — толькі некаторыя з элементаў жорсткай і цынічнай палітычнай гульні беларускага дыктатара. Сітуацыя дынамічна змяняецца, кожны дзень прыносіць больш інфармацыі і праблем. Таму апошнія і правераныя навіны пра іх сабраныя на гэтым сайце», — пішуць стваральнікі рэсурсу.