У Вене амаль 50 ісламістаў напалі на каталіцкую царкву

Яны разграмілі cпавядальню і царкоўнае начынне. Паліцыя лічыць, што напад зладзілі турэцкія фанатыкі-ісламісты, якія раней ужо траплялі ў поле зроку праваахоўных органаў. Цяпер іх шукаюць.

Каля 50 маладых людзей турэцкага паходжання увечары 29 кастрычніка ўварваліся ў каталіцкую царкву Святога Антонія Падуанскага ў Вене. Пра гэта паведамляе газета Kurier.
Зламыснікі праніклі ў купель і cпавядальню і ўчынілі там дэбош: яны штурхалі лаўкі і грамілі іншае царкоўнае начынне. Святары выклікалі паліцыю, аднак хуліганы паспелі схавацца да яе прыбыцця. Тым не менш дзеянні парушальнікаў трапілі на відэа.
Праваахоўныя органы лічаць арганізатарамі нападу групу фанатыкаў з ліку турэцкіх ісламістаў - на працягу апошніх месяцаў яны ўжо прыцягвалі ўвагу паліцыі ў акрузе, дзе размешчана царква Святога Антонія Падуанскага. Следчыя ўжо ўстанавілі асобы дзесяці пагромшчыкаў, раней яны ўжо былі заўважаныя ў парушэнні грамадскага парадку.
rbc.ru