У ЗША спынілі працу ўсе дзяржустановы

Праца федэральных ведамстваў ЗША прыпыненая, бо дэмакратам і рэспубліканцам у Кангрэсе не ўдалося ўзгадніць іх бюджэт да сярэдзіны лютага.


Адпаведны законапраект паспяхова прайшоў Палату прадстаўнікоў, аднак быў адхілены Сенатам.

Праца дзяржустаноў спынілася апоўначы на ​​20 студзеня па паўночнаамерыканскім ўсходнім часе, і не адновіцца да таго часу, пакуль двум партыям не ўдасца дасягнуць кампрамісу.

«Выглядае нядобра для нашай вялікай абароны і бяспекі на вельмі небяспечнай Паўднёвай мяжы», — напісаў прэзідэнт ЗША Дональд Трамп ў сябе ў твітары.

Закрыццё ўрада ці «шатдаун» азначае спыненне працы ўсіх дзяржустаноў, акрамя экстранных службаў: нацыянальнай бяспекі, пошты, кантролю за паветранай прасторай, медыцынскіх стацыянараў, хуткай дапамогі, дапамогі пры стыхійных бедствах, турмаў і электраэнергетыкі.

Тысячы работнікаў закрытых устаноў адправілі ў неаплатны адпачынак.

Ўзгадненне бюджэту ўперлася ў патрабаванне Дэмакратычнай партыі абараніць ад департацыі 700 тысяч нелегальных імігрантаў, якія апынуліся на тэрыторыі ЗША.

Пры прэзідэнце-дэмакраце Бараку Абаме гэтыя людзям, якіх называюць «лятуценнікамі», прысвойваўся часовы легальны статус.

У верасні мінулага года прэзідэнт Трамп абвясціў аб згортванні дадзенай праграмы.

У апошні раз шатдаун адбыўся ў 2013 годзе пры Бараку Абаме. Тады дзяржустановы не працавалі 16 дзён.

Асаблівую незадаволенасць амерыканцаў тады выклікалі прыпыненне працы нацыянальных паркаў і помнікаў.

Паводле рускай службы Бі-бі-сі

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: