Украіна і Малдова афіцыйна сталі кандыдатамі на ўступленне ў ЕС

Еўрапейскі савет прадаставіў Украіне і Малдове статус кандыдата на сяброўства ў Еўрапейскім Саюзе. Аб гэтым прэзідэнт Еўрапейскага савета Шарль Мішэль паведаміў у Twitter.

«Еўрапейскі савет толькі што прыняў рашэнне аб прадастаўленні Украіне і Малдове статусу кандыдата ў члены ЕС. Гістарычны момант», — заявіў ён.

Мішэль павіншаваў прэзідэнта Украіны Уладзіміра Зяленскага і прэзідэнта Малдовы Майю Санду, а таксама народы Украіны і Малдовы з прыняццем гэтага рашэння.

Нагадаем, 24 лютага Расія пайшла на поўнамаштабнае ўварванне ва Украіну, а 28-га Уладзімір Зяленскі падпісаў заяўку на сяброўства Украіны ў ЕС. Статус кандыдата на ўступленне ў Еўрасаюз таксама захацелі атрымаць Малдова і Грузія.

У чэрвені прэзідэнт Еўракамісіі Урсула фон дэр Ляйен сказала, што ЕК рэкамендавала Еўрарадзе даць Украіне і Малдове статус кандыдата на ўступленне ў ЕС. Грузіі ў гэтым было адмоўлена да выканання шэрагу ўмоў.

Еўрапарламент 23 чэрвеня ўхваліў рэзалюцыю аб прадастаўленні Украіне і Малдове статусу кандыдатаў на ўступленне ў Еўрасаюз.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: