Вярхоўны суд Венесуэлы забараніў Хуану Гуайда пакідаць краіну і замарозіў актывы

Вярхоўны суд Венесуэлы забараніў лідару апазіцыі Хуану Гуайда, які абвясціў сябе часовым прэзідэнтам, пакідаць краіну і заблакаваў доступ да яго банкаўскіх рахункаў.

Такім чынам, суд ухваліў запыт пракуратуры Венесуэлы, якая папрасіла забараніць Гуайда пакідаць краіну ў сувязі з пачатым у яго дачыненні расследаваннем.
Як заявіў раней генеральны пракурор Венесуэлы, расследаванне звязана з «актамі гвалту, якія адбыліся ў краіне, пачынаючы з 22 студзеня».
Газета Nacional паведамляе, што рашэнне падтрымалі не ўсе члены суда.
Выданне звяртае ўвагу на тое, што адна з суддзяў у знак пратэсту пакінула прэс-канферэнцыю, на якой было абвешчана пра абмежаванні ў дачыненні да Гуайда, а другі напісаў у «Твітары», што прынятае рашэнне «супярэчыць артыкулам 99 і 102 Закона аб Вярхоўным судзе».
bbc.com