ЗША апярэдзілі Расію па здабычы нафты

Да 2025 года здабыча сланцавай нафты ў ЗША вырасце ў два разы — да 14,2 мільёна барэляў у суткі.



У сакавіку бягучага года ЗША апынуліся на першым месцы ў свеце па аб'ёму здабычы нафты, апярэдзіўшы Расію. Пра гэта сведчаць дадзеныя арганізацыі “Сумесная ініцыятыва па нафтавай статыстыцы” (JODI), паведамляе “Прайм” у пятніцу, 18 мая.

Адзначаецца, што ЗША ў сакавіку здабывалі ў сярэднім 10,425 барэляў нафты ў суткі. На другім месцы апынулася Расія, якая ў сакавіку здабывала 10,298 мільёна барэляў у суткі.

Замыкае тройку лідараў Сірыя з аб'ёмам здабычы 9,907 мільёна барэляў у суткі.

Здабыча ў Расіі, па дадзеных JODI, не змянілася ў параўнанні з лютым, у ЗША — павялічылася на 1,6% у Саудаўскай Аравіі — скарацілася на 0,28%.

Аб'ём экспарту нафты Саудаўскай Аравіі ў сакавіку ў месячным выражэнні паменшыўся на 1,8%, да 7,122 мільёна барэляў у суткі, у ЗША — павялічыўся на 3,7%, да 1,664 мільёна барэляў у суткі. Дадзеныя па аналагічным паказчыку Расіі JODI не паказвае. Пры гэтым у лютым Расія экспартавала 5,044 мільёна барэляў у суткі, а ў студзені — 5,434 мільёна барэляў у суткі.

Раней Міжнароднае энергетычнае агенцтва (МЭА) папярэдзіла, што ЗША рыхтуюць "выбухны" рост здабычы нафты за кошт распрацоўкі сланцавых радовішчаў, дзе да 2025 года здабыча вырасце ў два разы — да 14,2 мільёна барэляў у суткі. Гэтаму спрыяе цяперашні рост коштаў на "чорнае золата".

Нагадаем, МВФ ацаніў наступствы сланцавай рэвалюцыі ў ЗША, назваўшы яе самай вялікай пагрозай спробам АПЕК дамагчыся стабільнасці цэн на нафту.

Паводле korrespondent.net