ЗША і Славакія падпісалі ваенную дамову

Пагадненне дазволіць ЗША пашырыць ваенную прысутнасць у Славакіі шляхам мадэрнізацыі двух ваенных аэрадромаў, паведамляе korrespondent.netr.
Падпісанне дамовы адбылося ў Вашынгтоне. Фота: Скрыншот

Падпісанне дамовы адбылося ў Вашынгтоне. Фота: Скрыншот

ЗША і Славакія падпісалі пагадненне аб ваенным супрацоўніцтве. У Вашынгтоне подпісы пад дакументам паставілі дзяржсакратар ЗША Энтані Блінкен, міністр абароны Славакіі Яраслаў Надзь і кіраўнік славацкага МЗС Іван Карчок.

Гэта дамова дазволіць ЗША пашырыць ваенную прысутнасць у Славакіі, у прыватнасці, шляхам мадэрнізацыі ваенных аэрадромаў Малацкі-Кухіня і Сліяч. Для ўступлення дакумента ў сілу патрэбна, каб яго ратыфікаваў славацкі парламент і зацвердзіў прэзідэнтам краіны.

Падпісанне ваеннай дамовы выклікала неадназначную рэакцыю ў Славакіі, дзе прайшлі акцыі пратэсту. Крытыкі заяўляюць, што гэта дамова можа прывесці да страты суверэнітэту рэспублікі і парушэння сіламі ЗША славацкага заканадаўства.

Кіраўнік Дзярждэпу Блінкен між тым пераконвае, што ЗША не будуць ствараць у Славакіі свае пастаянныя ваенныя базы або на пастаяннай аснове размяшчаць у краіне амерыканскія войскі.

Па ўмовах дамовы, ЗША прафінансуюць мадэрнізацыю двух ваенных аэрадромаў, якія застануцца ва ўласнасці славацкага ўрада, але якімі амерыканскія вайскоўцы змогуць бясплатна карыстацца.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: