ЕС адмовіўся канвертаваць выдаткаваныя Беларусі $923 млн ад МВФ

Афіцыйны Мінск не зможа канвертаваць у еўра свае спецыяльныя сродкі запазычанні (SDR) у памеры 923 млн. долараў, выдаткаваныя МВФ нашай краіне ў жніўні гэтага года.


Пра гэта заявіў вярхоўны прадстаўнік ЕС па знешняй палітыцы і бяспецы Жазэп Барэль у сваім лісце, паведамляе «Ежедневник».

Нагадаем, што ў жніўні 2021 года МВФ было прынята рашэнне аб размеркаванні спецыяльных правоў запазычання (SDR) сярод краін-удзельніц Міжнароднага валютнага фонду. Паводле яго краіны-ўдзельніцы МВФ атрымалі больш за 650 мільярдаў долараў. Беларусі таксама дасталася 923 млн. долараў.

Аднак SDR — гэта не жывыя грошы, а рэзервовы актыў. Яны па змаўчанні залічваюцца ў золатавалютныя рэзервы краіны. SDR можна выкарыстоўваць у міжкраінавых разліках або для міжнацыянальных здзелак на ўзроўні краін. Вядома, калі контрагент будзе згодны. Таксама SDR можна канвертаваць у іншую, больш цвёрдую валюту.

Прынятае МВФ рашэнне падвергнулася моцнай крытыцы, хоць ужо тады выказвалася меркаванне, што Мінску будзе вельмі цяжка скарыстацца вылучанымі сродкамі SDR у сувязі з накладзенымі ЗША і Еўрасаюзам фінансавымі санкцыямі.

Цяпер стала вядома, што гэта меркаванне мела пад сабой усе падставы.

Вярхоўны прадстаўнік ЕС па знешняй палітыцы і бяспецы Жазэп Барэль у сваім адказе на зварот НАУ напісаў, што ЕС не дапусціць абмену SDR, выдаткаваных МВФ Беларусі, на еўра ні ў адным цэнтральным банку краін Еўрасаюза.

На думку Барэля, падставай для блакавання такога абмену выступае факт, што гэта будзе з'яўляцца парушэннем устаноўленай забароны на аказанне інвестыцыйных паслуг рэжыму Лукашэнкі, рэгламентаванага санкцыямі ЕС.

У абгрунтаванне вярхоўны прадстаўнік ЕС па знешняй палітыцы і бяспецы спаслаўся на п. 16 рэзалюцыі Еўрапарламента па Беларусі, якая заклікае «дзяржавы-чальцы каардынаваць свае дзеянні з міжнароднымі партнёрамі ў шматбаковых арганізацыях, такіх як МВФ, каб абмежаваць выдзяленне сродкаў Беларусі і замарозіць любое супрацоўніцтва з ёй».



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: