Як Белстат перадвыбарчую праграму Лукашэнкі «заваліў»

Давайце паглядзім на сухія лічбы, каб ацаніць, як выконваецца па меншай меры адна «стратэгічная мэта» праграмы «кандыдата ў прэзідэнты Рэспублікі Беларусь Аляксандра Лукашэнкі» за 2015 год.

Адна лічба супраць аднаго абяцання.

Штосьці штарміць нашу ціхую гавань. Прычым штарміць не па-дзіцячы. Так, што нават афіцыйная статыстыка не дапамагае нашым шаманаў загаварыць стыхію.

Вось і цяпер Белстат выдаў новую справаздачу аб звольненых і прынятых на працу ў жніўні. Паводле дадзеных, за мінулы месяц арганізацыі пазбавіліся ад 92,9 тысячы (!) чалавек. Не дапамагла нават бурная дзейнасць па стварэнні рабочых месцаў, пра якую тлумачаць чыноўнікі: прадпрыемствы ў мінулым месяцы працаўладкавалі на 10,2 тысячы чалавек менш, чым звольнілі.

І можна было б усё спісаць на няўдалы збег акалічнасцяў у канкрэтна ўзятым месяцы, калі б падобная гісторыя не паўтаралася з зайздроснай рэгулярнасцю. Але і гэта не самае дзіўнае. Аказваецца, «захаванне працоўных месцаў» было «стратэгічнай мэтай», якую Аляксандр Лукашэнка ставіў сабе на цяперашні прэзідэнцкі тэрмін!

Вось што сказана ў праграме «кандыдата ў прэзідэнты Рэспублікі Беларусь Аляксандра Лукашэнкі» за 2015 год:

«Даць кожнаму чалавеку магчымасць зарабляць на годнае жыццё сваёй працай — гэты прынцып першапачаткова быў пакладзены ў падмурак беларускай эканамічнай мадэлі. Захаваць прадпрыемствы, працоўныя месцы для людзей, нягледзячы на любы крызіс, — заўсёды было галоўным сэнсам нашай палітыкі. Так будзе і надалей. Якія б крызісы ні падпільноўвалі сусветную эканоміку ці нашых суседзяў, у Беларусі кожны ахвочы заўсёды будзе мець магчымасць працаваць і зарабіць.

Нядобразычліўцы прадракалі нам абвал, крах і хаос. Але мы захавалі прадпрыемствы, калектывы, працоўныя месцы. Дзейнічаюць усе сацыяльныя праграмы.

Перад сабой мы ставім тры стратэгічныя мэты: ЗАНЯТАСЦЬ, ЭКСПАРТ, ІНВЕСТЫЦЫІ».

Вось так, ні многа, ні мала. А цяпер давайце паглядзім на сухія лічбы, каб ацаніць, як выконваецца па меншай меры адна «стратэгічная мэта».

Дадзеныя прыведзены без мікраарганізацый і малых арганізацый без ведамаснай падпарадкаванасці. Крыніца: Белстат

Гэта значыць, за тры гады з моманту дадзенага прэзідэнтам абяцання заставаліся без працоўных месцаў 230,5 тысячы чалавек. І гэта тая лічба, якая лепшая за любыя словы.

Святлана Мяцёлкіна, gazetaby.com
Пераклад НЧ