«Яндэкс» прыпыняе інвестыцыі ў Расіі

«Яндэкс» вырашыў не інвеставаць у Расію. Гэта вынікае з гадавой справаздачы кампаніі.

У гадавой справаздачы мацярынскай кампаніі ІТ-гіганта, Yandex N.V., зарэгістраванай у Нідэрландах, адзначаецца, што прыпыненне інвестыцый у РФ звязана з «геапалітычнай напружанасцю» і наступствамі санкцый, піша РБК. 

«Мы скарацілі або прыпынілі многія запланаваныя інвестыцыі ў наш бізнес як унутры краіны, так і за мяжой. Любы працяглы эканамічны спад у Расіі ў выніку санкцый, зніжэння курсу рубля або негатыўных настрояў спажыўцоў можа аказаць істотны негатыўны ўплыў на наша фінансавае становішча і вынікі дзейнасці», — гаворыцца ў дакуменце.