Лукашэнка штурхае краіну да дэфолту: забараніў пагашаць крэдыты ЕБРР і Сусветнага банка

Лукашэнка забараніў ураду ажыццяўляць пагашэнне крэдытаў і пазык, раней атрыманых у Еўрапейскага банка развіцця, Сусветнага банка і іншых міжнародных фінансавых інстытутаў.

1564387133_2p9m0xvs7y2x85w0_fc022452c25c403f9eddfcf2a71ffa74e27df926.jpg


Як паведамлялася раней, Сусветны банк і ЕБРР абвясцілі аб поўным спыненні супрацоўніцтва з Расіяй і Беларуссю і закрыцці сваіх офісаў у гэтых краінах, піша АФН.

На ўчорашняй нарадзе Лукашэнка спытаў у чыноўнікаў, як яны плануюць завяршаць будаўніцтва і рэканструкцыі сістэм водазабеспячэння і ачышчальных збудаванняў ва ўмовах адмовы міжнародных банкаў фінансаваць гэтыя праекты.

«Гэта значыць раней з Еўрапейскім банкам рэканструкцыі і іншымі мы дамовіліся, што яны пракрэдытуюць многія аб'екты жыллёва-камунальнай гаспадаркі. Сёе-тое пачалі крэдытаваць, а потым кінулі. Два моманты. Як будзем завяршаць рэканструкцыю і будаўніцтва гэтых аб'ектаў?», — спытаў ён.

«І другое: не дай бог хто-небудзь з вас пачне разлічвацца па даўгах з гэтымі банкамі. Яны не выканалі ўмовы дагавора — да пабачэння, пакуль не вернуцца да выканання гэтых дагавораў», — назваў ён умовы абслугоўвання крэдытаў.

Бягучы крэдытны партфель ЕБРР у Беларусі складае каля 1 млрд. долараў.