Андрэй Пачобут: Усё будзе ў нас добра

Пра гэта журналіст-палітвязень напісаў у лісце да сваёй калегі з Глыбокага Таццяны Смоткінай, паведамляе «Радыё Р*цыя»

list_1_3.jpg

У сярэдзіне снежня Таццяна атрымала ад яго ліст, у якім Андрэй піша пра сваё жыццё за кратамі і ўзгадвае Глыбокае як атмасфернае мястэчка з цікавай гісторыяй.

Паводле Таццяны Смоткінай, гэтая вестка для яе была вельмі радаснай, бо яна ўжо думала, што яе паштоўкі-лісты не даходзяць да адрасатаў:

– Шчыра кажучы, я ўжо не спадзявалася, што сёлета я атрымаю адказ. Я чамусьці думала, што ўсе нашыя паштоўкі, лісты выкідваюць і яны не даходзяць да палітзняволеных, таму, канешне, я вельмі ўзрадавалася, калі атрымала першы ліст ад майго паважанага калегі Андрэя Пачобута, з якім добра знаёмая.

І, канешне, гэта ўсяляе надзею на тое, што і далей трэба ўсё ж такі пісаць. Бо вельмі важна ў наш час быць салідарнымі і хоць нечым падтрымліваць людзей, якім вельмі цяжка, якія знаходзяцца за кратамі.



Як кажа Таццяна Смоткіна, палітзняволены Андрэй Пачобут піша, што цяпер ён рыхтуецца да суда, хоць па-ранейшаму яго дата невядомая, і ўсё сведчыць пра тое, што быць яму там вельмі доўга. Але нягледзячы на гэта, настрой у яго бадзёры, і ён не губляе веры ў тое, што ўсё ў Беларусі будзе добра.