Бацькоўскія сходы ў беларускіх школах прапануюць перанесці ў анлайн-рэжым

Міністэрства аховы здароўя дала рэкамендацыі, як арганізаваць вучобу ў школах у перыяд пандэміі каронавіруса. Правілы, распісаныя на 26 старонках, дзейнічаюць у верасні і кастрычніку, піша БелаПАН са спасылкай на 1Prof.by.

У прыватнасці, Міністэрства аховы здароўя рэкамендуе абмежаваць правядзенне вочных бацькоўскіх сходаў і сустрэч настаўнікаў з бацькамі. Для зносін раяць выкарыстоўваць відэаканферэнцсувязь, тэлефон, электронную пошту і іншыя сродкі сувязі.

Калі без бацькоўскіх сходаў у «жывым» фармаце не абысціся, то бацькоў прапануюць пасадзіць па чалавеку за партай.