Барысаўскі актывіст БСДП Ігар Леднік не выйшаў на волю пасля 15 сутак адміністрацыйнага арышту

Як паведамляюць аднапартыйцы Ігара Ледніка, на яго заведзена крымінальная справа па ч. 2 арт. 367 КК (Паклёп на Лукашэнку).

Таксама з'явілася інфармацыя, што яго хутка могуць перавесці ў Жодзіна і суд над ім можа адбыцца праз два месяцы. Ледніку пагражае да 5 год пазбаўлення волі.

Напярэдадні адміністрацыйнага арышту ў сацыял-дэмакрата адбыўся вобшук. Была канфіскавана зарэгістраваная партыйная сімволіка, некалькі асобнікаў аналітычнага часопіса БСДП «Пазіцыя», а таксама некалькі кніг.

Ігару Ледніку 60 год. Ёсць праблемы з сэрцам. Мае другую групу інваліднасці.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: