Бясплатныя юрыдычныя кансультацыі па артыкуле 328

Пачала працу служба юрыдычнай падтрымкі для тых, каго пераследуць паводле артыкула 328, і іх блізкіх.

piket_3_14.12.19_1200x800.jpg

Кансультацыю без неабходнасці аплаты можна атрымаць праз Telegram-бота «Юрыдычны 328».

Каля 4 тысяч чалавек штогод асуджаюць па артыкуле 328 Крымінальнага кодэкса. Большасць з іх — спажыўцы кантраляваных рэчываў, некаторыя маюць залежнасці.

У Беларусі працягваюць масава прыцягваць да адказнасці за негвалтоўныя злачынствы, звязаныя з кантраляванымі рэчывамі, па артыкуле 328 Крымінальнага кодэкса.

Парушэнні правоў звычайна адбываюцца на кожным этапе крымінальнага працэсу. Гэта немагчымасць атрымаць абаронцу (адваката), парушэнне права на справядлівы суд і катаванні на ўсіх стадыях працэсу і падчас адбывання пакарання ў пенітэнцыярных установах.

Юрыдычная падтрымка будзе аказвацца па наступных накірунках:

  • Першасная кансультацыя для тых, хто пераследуецца па артыкуле 328, іх родных і сяброў.
  • Дапамога ў абскарджваннях судовых рашэнняў і ўмоваў утрымання.
  • Падача скаргаў у міжнародныя інстытуцыі.

Паводле прэс-рэліза.