Ці з'явіцца ў Мінску помнік аўтазаку?

У сеціве з'явілася петыцыя з просьбай усталяваць помнік «аднаму з галоўных сімвалаў горада Мінска і ўсёй краіны — аўтазаку».

Аўтары петыцыі адзначаюць, што «цягам апошніх гадоў гэтыя машыны былі аднымі з самых відочных на дарогах гарадоў Беларусі, у іх пабывала вельмі вялкая частка беларусаў і некаторых турыстаў краіны. Аўтазак заслугова стаў сімвалам краіны, а асабліва горада Мінска».
 Усталяваць помнік аўтазаку ў Мінску аўтары звароту просяць на адной з плошчаў або ў іншым публічным месцы. Напрыклад, на вуліцы Зыбіцкай або на Кастрычніцкай плошчы.
Петыцыя будзе накіраваная ў Мінгарвыканкам праз два тыдні.