Год у камеры без суду. Статкевічу працягнулі тэрмін утрымання пад вартай да канца траўня

Палітык пачаў знаёміцца з матэрыяламі справы. Калі будзе суд, невядома.

Жонка Мікалая Статкевіча, Марына Адамовіч у сваім акаўнце на facebook паведаміла, што тэрмін утрымання пад вартай Мікалая Статкевіча працягнулі да 29 траўня, палітык пачаў знаёміцца з матэрыяламі крымінальнай справы. Да гэтай даты фактычна палітык як мінімум будзе адзін год пад арыштам без суду.

Марына Адамовіч піша, што Мікалай Статкевіч «у кожным лісце выказвае падтрымку годным і смелым беларусам».

15 снежня Статкевічу выставілі новае абвінавачаньне — у падрыхтоўцы масавых беспарадкаў (ч. 2 арт. 293 КК). Максімальнае пакаранне паводле гэтага артыкулу — 8 гадоў пазбаўлення волі.

Паводле «Свабоды».