Групавая галадоўка на Акрэсціна

Групавую галадоўку абвясціла жаночая камера, у якой сядзіць журналістка Ірына Слаўнікава, паведамляе «Еўрарадыё».

Прычынай галадоўкі сталі нечалавечыя ўмовы ўтрымання зняволеных. Людзі пазбаўленыя магчымасці атрымліваць перадачы. А днямі ў іх канфіскавалі зубныя шчоткі і лекі, якія перайшлі «ў спадчыну» ад тых, хто ўжо вызваліўся.

Чаму адміністрацыя ізалятара вырашыла пакараць арыштаваных? Кажуць, прычынай стала нібыта тое, што «яны не тым тонам папрасілі ў адміністрацыі туалетную паперу». Пра гэта распавяла адна з былых сукамерніц Ірыны Слаўнікавай.

Мяркуючы па тым, колькі чалавек апошнім часам утрымліваецца ў адной камеры на Акрэсціна, у галадоўцы могуць удзельнічаць ад 10 да 20 чалавек.