Мікіту Емяльянаву абмяжоўваюць перапіску

Як паведаміла грамадская актывістка Марына Касінерава, анархісту і палітвязню Мікіту Емяльянаву адміністрацыя калоніі не дазваляе адпраўляць адказы на лісты. Нібыта праз тое, што, па меркаванні супрацоўнікаў калоніі, змест лістоў мае "цынічны характар".

img_0946_logo__1__logo_1_1.jpg


Мікіта Емяльянаў беспаспяхова спрабаваў вырашыць гэтае пытанне праз начальніка атрада, але ў выніку яго самога абвінавацілі ў парышэнні рэжыму. Апошнія два парушэнні тычыліся формы адзення. А да гэтага вязень правёў пяць содняў у ШІЗА.


Таксама з перапіскі Мікіты былі арыштаваныя налепкі з Санта Клаўсам, якія яму даслалі бацькі, — адміністрацыі не спадабалася бела-чырвонае адзенне Санты.
Нагадаем, падтрымаць Мікіту Емяльянава можна лістом ці паштоўкай:
вул. Крупской 99А, г. Магілёў, Турма-4, камера 98, 212011, Емяльянаву Мікіце Уладзіміравічу