Народ пратэстуе супраць забудовы берага Цны

16 лістапада ў адміністрацыі Савецкага раёна Мінска адбудзецца грамадскае абмеркаванне забудовы на беразе вадасховішча Цна.

Праект прадугледжвае будаўніцтва фізкультурна-спартовага комплексу з тэніснымі кортамі, рэстарацыяй, барам і адміністрацыйным будынкам, дзеля ўзвядзення якіх увесну высеклі маладыя дрэвы і векавыя сосны.
Грамадскія актывісты неаднаразова ладзілі акцыі пратэсту супраць забудовы прыродаахоўнай зоны, перадалі ў Мінгарвыканкам больш за 2,5 тысячы подпісаў. Праціўнікі будоўлі сцвярджаюць, што яна пачалася без узгаднення з грамадскасцю і без адпаведнага ўказу.
Грамадскае абмеркаванне адбудзецца 16 лістапада ў Мінскім гандлёвым каледжы (вуліца Ўсходняя, 183). Там можна будзе азнаёміцца з праектам і паставіць свой подпіс супраць будаўніцтва.
Паводле svaboda.org