Тэрмінова: пачалося паляванне на абаронцаў Курапатаў (абноўлена)

Пачаліся затрыманні абаронцаў Курапатаў.

111_2_logo_1.jpg


Каля пад'езда свайго дома затрыманы Сяргей Пальчэўскі, вядомы тым, што прыкаваў сябе кайданкамі да МАЗа, каб не прапусціць будаўнічую тэхніку на будоўлю.
Пра гэта на сваёй старонцы ў фэйсбуку паведамляе Зміцер Дашкевіч. 
Таксама ў аблаву трапілі Уладзь Сташкевіч і сам Зміцер Дашкевіч. У гэты момант яны заблакаваны разам з дзецьмі Марай і Давідам у Мінску на 3-м Загарадным завулку. Туды едуць Наста Дашкевіч і журналісты.
Па стане на 16:45 Зміцер Дашкевіч разам з жонкай і дзецьмі і журналістамі знаходзіцца дома. Лёс Сяргея Пальчэўскага не вядомы. Яго тэлефон не адказвае.