Прадпрымальнікі пачынаюць збор подпісаў супраць прэзідэнцкіх указаў

Лідэры прадпрымальніцкага руху Беларусі ў панядзелак, 11 красавіка, мяркуюць даць старт кампаніі па зборы 50 000 подпісаў за адмену прэзідэнцкіх указаў № 222 і № 48.

Кампанія распачынаецца ў рамках дзеяння Камітэту выратавання прадпрымальніцтва. Ён быў створаны аргкамітэтам БХД на пачатку 2016 году на хвалі пратэстаў індывідуальных прадпрымальнікаў.

Указ № 222 «Аб рэгуляванні прадпрымальніцкай дзейнасці і рэалізацыі тавараў прадпрымальнікамі і іншымі фізычнымі асобамі» быў падпісаны Аляксандрам Лукашэнкам 16 траўня 2014 году, а ўказ № 48 «Аб мерах па забеспячэнні дзяржаўнага кантролю (нагляду) за забеспячэннем патрабаванняў тэхнічных рэгламентаў» — 9 лютага 2015 году.

Паводле svaboda.org