Прысуд палітзняволенай Ксеніі Луцкіной пакінулі без зменаў. Яна пакутуе на цяжкую хваробу
Вярхоўны Суд 27 снежня разглядзеў апеляцыйную скаргу палітзняволенай Ксеніі Луцкіной. Прысуд журналістцы пакінулі без зменаў, а скаргу без задавальнення. Хутка Ксенію перавядуць у калонію, адзначаюць праваабаронцы.
Нагадаем, былую журналістку Белтэлерадыёкампаніі асудзілі да 8 гадоў калоніі. У зняволенні ў яе пачаліся моцныя праблемы са здароўем — у яе расце пухліна ў галаўным мозгу.
Вядома, што яна адмовілася пісаць прашэнне аб памілаванні на імя Лукашэнкі.
Дома ў журналісткі застаўся маленькі сын.
