Суд разгледзіць «парушэнне рэжыму»: хворая на анкалогію пенсіянерка адзначылася ў міліцыі на паўтары гадзіны раней

Людміла Хлусевіч, хворая на анкалогію пенсіянерка, якая толькі пачала адбываць пакаранне (паўтара года «хатняй хіміі»), атрымала першае «парушэнне рэжыму», паведамляюць праваабаронцы.

Жанчына пераблытала час, калі ёй трэба адзначацца ў міліцыі ў мінулую нядзелю і пайшла туды на паўтары гадзіны раней. У гэты час да яе прыйшлі супрацоўнікі Дэпартамента выканання пакарання і не засталі яе ў кватэры.
Гэтае парушэнне будзе разглядаць суд, які можа пакараць пенсіянерку максімальна 15 суткамі арышту ці штрафам.