Штраф за парушэнне масачнага рэжыму можа скласці да 870 рублёў

Штраф за парушэнне масачнага рэжыму і іншых абмежавальных мер, уведзеных у сувязі з пандэміяй, можа скласці да 870 рублёў для фізічных асоб. Намеснік міністра юстыцыі Наталля Філіпава пацвердзіла БелТА, што да парушальнікаў можа прымяняцца артыкул 17.5 Кодэкса аб адміністрацыйных правапарушэннях.

Фота Дзмітрыя Дзмітрыева

Фота Дзмітрыя Дзмітрыева

Згодна з КаАП, артыкул прадугледжвае адказнасць за парушэнне:

  • санітарна-эпідэміялагічных, гігіенічных патрабаванняў і працэдур, устаноўленых тэхнічнымі рэгламентамі МС і ЕАЭС;
  • агульных санітарна-эпідэміялагічных патрабаванняў, устаноўленых кіраўніком дзяржавы;
  • спецыфічных санітарна-эпідэміялагічных патрабаванняў, устаноўленых Саўмінам;
  • санітарных норм і правілаў, гігіенічных нарматываў, ці патрабаванняў абмежавальных мерапрыемстваў, уведзеных у адпаведнасці з заканадаўствам у галіне санітарна-эпідэміялагічнага дабрабыту насельніцтва;
  • прадстаўлення недакладных даных для працэдуры дзяржаўнай рэгістрацыі прадукцыі.

Артыкул прадугледжвае наступныя санкцыі:

  • для фізічных асоб — штраф да 30 БВ (цяпер 870 рублёў);
  • для ІП — штраф да 200 БВ (зараз 5 800 рублёў);
  • для юрыдычных асоб — штраф да 500 БВ (цяпер 11 600 рублёў).

Міністэрства аховы здароўя на мінулым тыдні прыняла пастанову, якой ў санітарныя нормы і правілы «Патрабаванні да арганізацыі і правядзення санітарна-супрацьэпідэмічных мерапрыемстваў, накіраваных на прадухіленне заносу, узнікнення і распаўсюджвання грыпу і інфекцыі COVID-19» унесены пункт, які абавязвае фізічных асоб і пры наведванні аб'ектаў, арганізацый, у грамадскім транспарце, метрапалітэне і таксі выкарыстоўваць сродкі абароны органаў дыхання і выконваць сацыяльную дыстанцыю. Пастанова ўступіла ў сілу з 9 кастрычніка.
Пакуль артыкул 17.5 КаАП шырока не ўжываўся ў дачыненні да парушальнікаў масачнага рэжыму, аднак у бліжэйшы час плануецца растлумачыць парадак яго прымянення.
reform.by