ТБМ прапануе Мінкульту ўшанаваць памяць беларускіх рэстаўратараў В.Слюнчанкі і С.Друшчыца
Адпаведны ліст старшыня ТБМ Алег Трусаў накіраваў ліст міністру культуры Барысу Святлову.
![trusau_0311.jpg trusau_0311.jpg](/img/v1/news/full/trusau_0311.jpg?f=f&h=396&o=0&u=1715395350&w=528)
euroradio.fm
У Год культуры ў Беларусі Таварыства беларускай мовы прапанавала ўшанаваць памяць беларускіх рэстаўратараў В.Слюнчанкі і С.Друшчыца.
ТБМ просіць уключыць у Рэспубліканскі план мерапрыемстваў, звязаных з ажыццяўленнем Указа Прэзідэнта Беларусі № 522 на гэты год, устаноўку і адкрыццё мемарыяльных дошак у гонар славутых беларускіх рэстаўратараў-архітэктараў Валерыя Слюнчанкі і Сяргея Друшчыца на будынках, да аднаўлення якіх яны мелі непасрэднае дачыненне, (альбо ў іх інтэр'ерах) Полацкай Сафіі і Нясвіжскага замка (адпаведна).
Алег Трусаў выказаў пажаданне, каб у музейнай экспазіцыі гэтых адноўленых помнікаў гісторыі і культуры Беларусі былі размешчаны стэнды, прысвечаныя біяграфіям гэтых дзеячоў беларускай культуры.