Telegram цалкам выдаліў праўладныя каналы «Жоўтыя злівы» і «Вашы злівы»

Адміністратары гэтых каналаў назвалі гэта «варварскай цэнзурай».

Telegram цалкам выдаліў праўладныя каналы «Жоўтыя злівы» і «Вашы злівы». Раней гэтыя каналы былі недаступныя толькі з мабільных тэлефонаў, цяпер іх няма і ў дэкстопнай версіі месенджара.

«Жоўтыя злівы» і «Вашы злівы» — адны з самых адыёзных telegram-каналаў Беларусі. Там выкладваюцца «пакаяльныя» відэа затрыманых, публікуюцца фэйкі і ўсяляк ганьбяцца апаненты ўлады.