У Бучы пройдзе выстава з партрэтамі беларускіх палітвязняў

Выстава «Колеры беларускай рэвалюцыі» адкрыецца заўтра ў Публічнай бібліятэцы Бучы. Гэта пашыраная версія аналагічнай выставы пра беларускі пратэст, якая прайшла нядаўна ў Львове.

«Колеры беларускай рэвалюцыі» ў Львове. Фота: Яўген Атцецкі

«Колеры беларускай рэвалюцыі» ў Львове. Фота: Яўген Атцецкі


Заўтра, 13 верасня, жыхары ўкраінскай Бучы змогуць пабачыць выставу, прасвечаную беларускім палітзняволеным. Адмыслова дзеля гэтага туды былі дададзеныя фотаздымкі людзей, якія загінулі за Украіну, пачынаючы ад 2014 года, паведамляе reform.by.

Арганізатаркі выставы ў Бучы — праваабаронца Анісія Казлюк і актывістка Настасся Долюшка. Суарганізатарка львоўскай версіі «Колераў беларускай рэвалюцыі» Аліна Рудзіна адзначае, што Буча — «сакральнае месца», і для іх гонар там выставіцца.
«Мы хочам паказаць, што адбываецца ў Беларусі — як цяжка сёння выказаць меркаванне, што не супадае з афіцыйнай версіяй, — гаворыць Рудзіна. — Распачынаўся гэты праект, нагадаю, з партрэтаў зняволеных украінцаў, якія падтрымалі беларусаў падчас падзей 2020 года».

Выстава будзе адкрытая ў Бучы да 20 верасня, а потым плануюцца таксама Кіеў і Чарнігаў.

Нагадаем, у жніўні беларускай праваабаронцы Анісіі Казлюк украінскія ўлады не хацелі працягваць від на жыхарства. У выніку гучнага скандалу і пасля ўмяшальніцтва Офіса Святланы Ціханоўскай міграцыйная служба ўсё-ткі прыняла дакументы дзяўчыны і працягнула ёй тэрмін знаходжання ва Украіне да 29 снежня.

Беларуска Настасся Долюшка жыла ў Бучы да расійскага ўварвання і нядаўна вярнулася туды зноў.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: