У Беларусі кожная трэцяя жанчына сутыкалася з гвалтам

У Беларусі найбольш распаўсюджаны від гвалту ў адносінах да жанчын — хатні гвалт.



Нацыянальная бібліятэка 4 снежня афарбавалася ў аранжавы колер у знак барацьбы супраць гвалту ў адносінах да жанчын і дзяўчынак. Перыядычна таксама з'яўлялася бягучы радок "Спыні гвалт у адносінах да жанчын!".

Акцыя адбылася ў межах аранжавай кампаніі супраць гвалту ў адносінах да жанчын і дзяўчынак. Аранжавая кампанія — гэта ініцыятыва Генеральнага сакратара ААН ( Разам UNiTE), у рамках якой ён заклікае ўсіх аб'яднацца, каб скончыць з гвалтам у адносінах да жанчын. Кампанія ў Беларусі праводзіцца ЮНФПА, ПРААН, ЮНІСЕФ і МАМ.

Алена Касько, намеснік прадстаўніка ЮНФПА: "Сёння Нацыянальная бібліятэка афарбавалася ў аранжавы колер. Гэта частка інфармацыйнай кампаніі "Аранжавы свет супольна". Гэта кампанія, каб сказаць "Не!" гвалту ў адносінах да жанчын. Праблема гвалту  да жанчын не спецыфічная ў дачыненні толькі адной краіны. Гэта глабальная праблема. Каля 600 млн жанчын жывуць у тых краінах, дзе хатні гвалт не з'яўляецца злачынствам.

У Беларусі найбольш распаўсюджаны выгляд гвалту ў адносінах да жанчын гэта хатні гвалт. Кожная трэцяя жанчына, па дадзеных апытання, што праводзілася фондам ААН у галіне народанасельніцтва ў 2014 годзе, адзначала, што сутыкнулася на працягу свайго жыцця з адным з відаў гвалту — няхай гэта будзе эканамічны, псіхалагічны, фізічны або сэксуальны.

Сёння мы праводзім акцыю, для таго каб спыніць гвалт, каб перапыніць маўчанне і перавесці праблему гвалту ў адносінах да жанчын з зоны асабістай ў зону публічную".

Відэа Сяргея Сацюка, БелаПАН