Удзельнікі гурта Litesound, якія прадстаўлялі Беларусь на «Еўрабачанні», знайшліся на Валадарцы

Праваабаронцам стала вядома, што браты-музыкі Дзмітрый і Уладзімір Каракіны знаходзяцца ў мінскім СІЗА-1 на Валадарскага. Паводле папярэдняй інфармацыі, ім інкрымінаваны арт. 342 КК («Актыўны ўдзел у групавых дзеяннях, якія груба парушаюць грамадскі парадак»).

Пра затрыманне братоў Каракіных праўладныя тэлеграм-каналы напісалі 13 кастрычніка. Паводле іх, музыкі «ўдзельнічалі ў незаконных маршах з перакрыццем дарог, заклікалі і агітавалі ў сацыяльных сетках, супрацоўнічалі з экстрэмісцкімі арганізацыямі».

У 2012 годзе гурт Litesound выступаў ад Беларусі на музычным конкурсе «Еўрабачанне», дзе дайшоў да другога паўфінала.

Нагадаем, што музыкаў пасля выбараў 2020 года рэжым Лукашэнкі рэпрэсуе оптам і ўраздроб. Шмат хто з артыстаў прайшоў праз «суткі» і потым эміграваў. Некаторыя трапілі пад крымінальны пераслед. Акрамя Litesound, гэта ўдзельнікі гуртоў Irdorath (лідары каманды Надзея і Уладзімір Калачы дагэтуль за кратамі паводле прысуду), Tor Band і іншыя.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,
Больш цікавага на «Новым Часе»: