Уладзімір Парфяновіч: Тым, хто прыйдзе пасля Лукашэнкі, салодка не будзе. Куды ні пойдзеш — усюды дупа

Трохразовы алімпійскі чэмпіён па веславанні Уладзімір Парфяновіч падзяліўся меркаваннем пра рост цэн у Беларусі.

— Вы цяпер трэніруецеся або атрымліваеце асалоду ад адпачынку?

— Атрымліваю асалоду ад адпачынку і атрымліваю пенсію. Скажу шчыра, мне яе на жыццё хапае, бо ў вёсцы нічога не даражэе :). Колькі атрымліваю — гэта, скажам так, інтымны момант, не хацелася б раскрываць, але на жыццё хапае. Я вам нават прывяду прыклад свайго раскладу, каб вы разумелі, як жыву цяпер. Усталі мы з жонкай у 8.30 раніцы, на працягу гадзіны ў нас зарадка. Потым прагуляліся з сабачкам на рэчку, гэта дзесьці кіламетра паўтара. Вярнуліся дадому, паснедалі. Потым крыху адпачнём, паглядзім, што дзеецца ў свеце. Днём я што-небудзь зраблю па хаце ці на ўчастку. Жонка пакуль думае, якія фіранкі ёй пашыць. Вечарам вып'ем па чарцы гарэлкі — і ўсё, кладземся спаць. Як вам расклад? Цудоўна. У любым выпадку галоўнае, што мы атрымліваем задавальненне ад жыцця.

— А вы карыстаецеся аўтамабілем?

— Так, але не вельмі часта. Напрыклад, два разы на месяц магу прыехаць у Мінск, палічыце, колькі патрачу на бензін, каб праехаць 240 кіламетраў. Майму аўтамабілю ідзе 26-ы год, таму асноўныя выдаткі — гэта рамонт. Ну а рост цэн на бензін — тут ужо нічога не зменіш. Ды і, скажыце мне, якая можа быць альтэрнатыва, як палепшыць сітуацыю, калі мы жывём ва ўмовах сусветнага эканамічнага крызісу? Я ўпэўнены, што тым, хто прыйдзе на змену Лукашэнку, салодка не будзе. Куды ні пойдзеш — усюды дупа, — цытуе Парфяновіча «Трыбуна».