Затрыманы баптысцкі пастар Віталь Чычмароў

Сёння, 19 красавіка, сілавікі прыйшлі з ператрусам да баптысцкага пастара Віталя Чычмарова. Ён затрыманы, паведамляюць праваабаронцы.

czyczmarou_pastar.jpg

Сілавікі ў Мінску зладзілі ператрус у пастара баптысцкай царквы «Святло Надзеі» Віталя Чычмарова. Сам пастар быў затрыманы. Магчыма, гэта звязана з сённяшнімі маштабнымі ператрусамі ў чальцоў незалежных прафсаюзаў.

Віталь Чычмароў працаваў інжынерам на адным з мінскіх прадпрыемстваў. У 2020 годзе пастар быў актыўным удзельнікам прафсаюзнага руху за сумленныя выбары і добрыя ўмовы працы.

Таксама вядома, што Чычмароў уваходзіў у незалежны прафсаюз металістаў, сяброў якога сёння затрымлівалі ў Мінску.