Сяргей Антусевіч знаходзіцца ў СІЗА КДБ

Сяргея Антусевіча затрымалі супрацоўнікі КДБ. Ён патэлефанаваў уначы 20 красавіка сваім блізкім з СІЗА КДБ і паведаміў пра затрыманне.

Сяргей Антусевіч — былы работнік «Гродна-Азот». Каля 10 гадоў кіраваў незалежным прафсаюзам на прадпрыемстве. Цяпер жыве ў Мінску і з'яўляецца віцэ-старшынём Беларускага кангрэсу дэмакратычных прафсаюзаў.

Учора былі таксама затрыманыя іншыя прафсаюзныя актывісты, сярод іх Аляксандр Ярашук, Аляксандр Бухвостаў, Мікалай Шарах, Віталь Чычмараў і, верагодна, іншыя. Дзе знаходзяцца астатнія — пакуль невядома.