Затрыманы чарговы адвакат

Затрымалі адваката Мінскай абласной калегіі Вячаслава Чычына, паведамляюць праваабаронцы.

Прычына, па якой затрыманы адвакат, не паведамляецца.

На сайце Калегіі пазначана, што Чычын працуе ў адвакатуры ўжо больш за 11 гадоў, спецыялізуецца на адміністрацыйным, грамадзянскім, працоўным, крымінальным, сямейным, спартыўным праве. Працуе ў юрыдычнай кансультацыі Смалявіцкага раёна.

Нагадаем, гэта ўжо чацвёртае затрыманне адвакатаў за апошні месяц у Беларусі.