Жыхара Магілёва арыштавалі за рэпост паўтарагадовай даўніны

Магілёўца Дзмітрыя Шашкова пакаралі 10 суткамі арышту за рэпост паўтарагадовай даўніны з лагатыпам самага буйнага інтэрнэт-парталу Беларусі (прызнанага экстрэмісцкім) у закрытым акаўнце, піша «Свабода».

Суд Магілёўскага раёна палічыў гэта распаўсюдам экстрэмісцкіх матэрыялаў.

Шышкоў віны не прызнаў, бо ў яго закрыты акаўнт у «Інстаграме». Але суддзя сказаў, што пад допісам былі лайкі і каментары, а значыць, ягоны пост бачылі іншыя людзі.

Да суду Дзмітрыя Шашкова тры дні трымалі ў ізалятары.

Сёлета ў лютым Дзмітрыя Шашкова аштрафавалі на 1450 рублёў за перавозку самвыдатаўскай газеты «Могилёвск­и­е вести».