«Адыс Абеба» развіталіся з мінскай публікай (фотарэпартаж)
Выбітная беларуская рэгі-каманда спыняе сваё існаванне і адпраўляецца ў апошні музычны тур. Пасля турнэ саліст гурта, Дзмітрый Іваноў, з’язджае ў В’етнам.
Развітальны вечар з мінскімі аматарамі калектыву адбыўся 29 лістапада ў бары «Beer&Wine».
Канцэрт прайшоў пры поўным аншлагу: усе квіткі былі раскупленыя за некалькі дзён.
Калектыў існаваў 13 гадоў (з некаторымі перапынкамі) і за гэты час выпусціў 4 альбомы.
Каманда выйшла на сцэну са спазненнем амаль у гадзіну.
Музыкі распачалі з Вавілонскага цыклу песень, дзе кожная кампазіцыя гучыць звычайна болей за 4 хвіліны
Пасля кожнай песні Дзіма Іваноў казаў толькі адно слова: "Дзякуй". Прычым менавіта па-беларуску.
Саліст гурта ўжо з'язджаў у В'етнам на доўгі час. І вярнуўся. Таму ёсць верагоднасць, што мы праз пэўны час зноў пачуем «Адыс Абебу».