«Бліцкрыг не атрымаўся. Памыюцца ўласнай крывёю». Галоўнакамандуючы УСУ — пра першы дзень вайны

Валерый Залужны падзякаваў вайскоўцам за абарону Украіны.

Галоўнакамандуючы Узброеных сіл Украіны адзначыў, што барацьба будзе цяжкай, але Украіна выстаіць. Валерый Залужны звярнуўся да ўкраінскіх вайскоўцаў і падзякаваў за абарону краіны.

Зварот з'явіўся ў Facebook Залужнага.

«Паважаныя генералы, афіцэры, сяржанты і салдаты! Дарагія баявыя сябры! Дзякуй кожнаму з вас, хто сёння абараняе нашу зямлю ад расійскага акупанта. Дзякуй вашым родным за тое, што чакаюць. Дзякуй украінскаму народу за давер, дапамогу, малітвы», — заявіў Валерый Залужны.

Ён таксама падзякаваў міжнародных партнёраў, але адзначыў, што цяпер час дзейнічаць, а не абмяркоўваць.

«Молімся за душы загінулых субратаў і найхутчэйшае выздараўленне параненых. Змагаемся далей! Увесь сектар бяспекі і абароны дае годны адпор. Будзе цяжка, але мы выстаім. Бліцкрыг ў расіян не атрымаўся. Памыюцца ўласнай крывёю! За намі праўда. З намі Бог. І перамога будзе за намі», — заявіў Залужны.

Між тым, вынікі першага дня вайны падвёў і расійскі бок. Мінабароны РФ абвясціла, што ўсе задачы, запланаваныя на 24 лютага, расійскай армія выканала.