Мясцовыя ўлады пачалі ціск на аўтара хіта «Я з вёскі»
У краіне стартавала перадвыбарчая кампанія ў Палату прадстаўнікоў. З самага пачатку апазіцыя заяўляе аб парушэннях дэмакратычных працэдур.
Фота: svaboda.org
Так, у пасёлку Акцябрскі, які на ўсю краіну праславіў хіт Ксеніі Дзягелькі, мясцовыя ўлады пачалі ціск на апазіцыйнага кандыдата.
“Улады дэманстратыўна заціскаюць кандыдатаў з вялікай падтрымкай, — гаворыць старшыня Партыі АГП Анатоль Лябедзька. — Ужо пайшоў ціск. Я маю на ўвазе Андрэя Павука, блогера з Акцябрскага, у якога забралі магчымасць працаваць. Ён — індывідуальны прадпрымальнік. У яго было сваё фотаатэлье, і зараз пасля яго заяў, што ён будзе ўдзельнічаць у перадвыбарчай кампаніі і будзе часткай правацэнтрысцкага спіску, на яго пайшоў моцны накат".
“Чалавека фактычна паставілі перад фактам — ці выбары ці праца”, — зазначыў Анатоль Лябедзька.
Блогер Андрэй Павук з’яўляецца па сумяшчальніцтву былым мастацкім кіраўніком скандальнавядомай Ксеніі Дзягелькі.
Хіт “Я з вёскі” набраў у 2012 годзе больш за мільён праглядаў на папулярным відэасэрвісе youtube.
Алесь Вайтовіч, Беларускае Радыё Рацыя