«Антысанітарыя, мухі, пах». Баец з «Азоўсталі» распавёў, як лечаць 600 параненых

Замежжа

Больш за паўтысячы параненых украінскіх абаронцаў на «Азоўсталі» паміраюць без належнай медыцынскай дапамогі. Пра гэта падчас тэлемарафона распавёў баец з пазыўным «Паліцыя» (прадстаўнік паліцыі Данецкай вобласці), які знаходзіцца на тэрыторыі Марыупальскага завода.

1652192829_6821.webp

«Адносна параненых — вельмі дрэнная сітуацыя, іх у раёне 600 чалавек. Умовы проста жудасныя, усе напэўна бачылі фота ў сацсетках. Шчыра кажучы, нельга перадаць тую жудасную абстаноўку, якая ў шпіталі...», — цытуе байца unian.net.

Апісвае ўмовы ў шпіталі мужчына так: «Вялікая спартзала, некалькі дзясяткаў двух'ярусных ложкаў, астатнія — на падлозе. Адзін да аднаго ляжаць байцы без канечнасцяў — у каго рукі, у каго ногі, у каго проста раненні. Поўная антысанітарыя: мухі, пах».

Як паведаміла віцэ-прэм'ер-міністр Ірына Верашчук, Украіна вядзе перамовы аб выратаванні з «Азоўсталі» 60 чалавек.

«Там некалькі соцень параненых, іх трэба ратаваць у першую чаргу, таму што па ўсім адразу расійцы не згаджаюцца. Такім чынам, спачатку цяжкапараненыя і медыкі, іх сапраўды 60 чалавек», — казала Верашчук.

Нагадаем, пасля эвакуацыі грамадзянскіх з катакомбаў «Азоўсталі» ў Марыупалі расійскія войскі не спыняюць спробы захапіць завод, на якім вядуць абарону ўкраінскія воіны. Акупанты наносяць ракетна-бомбавыя ўдары па тэрыторыі завода і з дапамогай артылерыі і танкаў праводзяць штурмавыя дзеянні.

Па словах прэзідэнта Уладзіміра Зяленскага, для выратавання ўкраінскіх вайскоўцаў, якія знаходзяцца на «Азоўсталі», прыцягнутыя ўплывовыя пасярэднікі і дзяржавы. У Генштабе ВСУ сцвярджаюць, што аперацыя па дэблакаванні завода запатрабуе значных высілкаў і вялікай колькасці войскаў.

11 мая віцэ-прэм'ер Верашчук заявіла, што на тэрыторыі «Азоўсталі» могуць знаходзіцца яшчэ каля тысячы байцоў, палова з іх цяжкапараненыя.

13 траўня Зяленскі паведаміў, што Украіна прапануе Расіі розныя механізмы вывазу з завода «Азоўсталь» украінскіх байцоў, з прэзідэнтам РФ Уладзімірам Пуціным пра гэта будзе размаўляць прэзідэнт Фінляндыі. Гаворка ідзе аб выратаванні жывых і вываз целаў загінулых.