Бельгія можа перайсці на чатырохдзённы працоўны тыдзень

Дыскусіі пра скарачэнне колькасці рабочых дзён у
тыдні набіраюць абароты ў многіх краінах.

У Бельгіі таксама плануюць скараціць працоўны тыдзень, паведамляе korrespondent.net

У Бельгіі маюць намер дазволіць працадаўцам увесці чатырохдзённы працоўны тыдзень для сваіх супрацоўнікаў. Пра гэта заявіў прадстаўнік бельгійскага Міністэрства эканомікі і працы.

«Каронавірусны крызіс у корані змяніў нашу працу. Ідэя палягае ў тым, каб даць работнікам больш гнуткасці для арганізацыі працоўнага тыдня», — сказаў ён.

У той жа час, колькасць працоўных гадзін застанецца нязменнай. Каб атрымаць дадатковы выхадны, работнікам давядзецца працаваць каля 9,5 гадзін на дзень — пры ўмове, што поўны працоўны дзень складае ад 38 да 40 гадзін на тыдзень.

Паводле слоў прадстаўніка міністэрства, сярод сяміпартыйнага кааліцыйнага ўрада Бельгіі расце кансенсус па гэтай прапанове. Пасля таго, як федэральны ўрад возьме на сябе абавязацельствы, будзе складзена больш падрабязная канцэпцыя новаўвядзення.

Рабочыя рамкі чатырохдзённага працоўнага тыдня будуць створаныя разам з прадстаўнікамі прамысловасці і прафсаюзаў. Толькі пасля гэтага план можа стаць законам.

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: