Дзве беларускія актывісткі абвясцілі бестэрміновую галадоўку ля офісу Еўракамісіі ў Варшаве

Беларускі Стася Гліннік і Бажэна Шамовіч заявілі пра бестэрміновую галадоўку ля офісу Еўракамісіі ў Варшаве.

Акцыя актывістак «Моладзевага хабу» пачалася раніцай 26 траўня. Дзяўчаты стаяць перад уваходам у будынак з бел-чырвона-белым сцягам і плакатам «Вольная Беларусь», перадае Радыё Свабода.

У відэазвароце, апублікаваным напярэдадні, яны апавядаюць пра рэпрэсіі супраць пратэстоўцаў з боку ўладаў Беларусі і заклікаюць краіны Еўрасаюза прызнаць цяперашні рэжым Лукашэнкі тэрарыстычным, а таксама неадкладна ўвесці эканамічныя санкцыі для выратавання жыццяў палітвязняў.