Генеральны сакратар НАТА выступіў за згуртаванасць альянсу на фоне абрання Трампа

Генеральны сакратар НАТА Енс Столтэнберг выказаў заклапочанасць пытаннямі захавання адзінства паўночнаатлантычнага альянсу пасля абрання Дональда Трампа прэзідэнтам Злучаных Штатаў.

«Мы стаім перад самым сур'ёзным выклікам у пакаленнях», — напісаў генеральны сакратар ў артыкуле, апублікаванай у брытанскай газеце Observer. Ён адзначыў, што «цяпер не час ставіць пытанне аб партнёрстве Еўропы і ЗША».
Заклапочанасць Столтэнберга і шэрагу краін-членаў НАТА выклікалі выказванні Трампа падчас выбарчай кампаніі пра тое, што ўсе сябры альянсу павінны несці раўнацэнную ношу ў галіне фінансавання дзейнасці НАТА, гэта значыць, самі плаціць за ўласную бяспеку.
У цяперашні час каля 70% фінансавання НАТА ажыццяўляюць ЗША.
Паводле слоў генеральнага сакратара, менавіта члены НАТА іграюць  вядучую ролю ў супрацьстаянні тэрарызму і «усё больш агрэсіўнай Расіі».
«У такі няпэўны час нам неабходна моцнае кіраўніцтва з боку Амерыкі, нам таксама неабходна, каб еўрапейцы неслі долю цяжару на сваіх плячах», — лічыць Столтэнберг.
У той жа час ён падкрэсліў, што «партнёрства Еўропы і ЗША з'яўляецца незаменным».
Раней германскі часопіс Spiegel паведаміў, што для таго, каб Трамп вызначыўся са сваёй палітыкай у дачыненні да альянсу, магчымы перанос тэрмінаў правядзення чарговага саміту НАТА на лета наступнага года. Раней планавалася правесці яго ў пачатку года.
Паводле інфармацыйнай агенцыі Інтэрфакс