Германія. Рэформа прыбіральняў

Бургамістр Кёльна падтрымаў незвычайную рэформу, якая тычыцца гарадскіх прыбіральняў.

273109_900.jpg

Грамадскія прыбіральні, па словах прадстаўніка мэрыі, павінны быць перабудаваныя такім чынам, каб кліенты — мігранты з ісламскіх краінаў — не адчувалі дыскамфорту. 


Дыскамфорт у такога кшталту наведвальнікаў, быццам бы, выклікае адсутнасць у прыбіральнях вадзянога шланга — абавязковага атрыбуту клазетаў на Усходзе, дзе не карыстаюцца туалетнай паперай. 


Самае цікавае, што прыбіральні ў Кёльне будуць перабудаваныя такім чынам, каб там не спраўлялі натуральную патрэбу ў накірунку Меккі — святога для мусульман гораду. 


Калі верыць бургамістру, інавацыі выклікаюць у звычайных немцаў інтарэс да замежных культураў. 


Між тым, у ідэі хапае апанентаў. У правай апазіцыі падлічылі, што перабудова кожнага ўнітазу — каля ста еўра. З улікам колькасці прыбіральняў у публічных і камерцыйных установах, рэформа будзе каштаваць больш за мільён еўра — значныя выдаткі для гарадскога бюджэту.

Паводле нямецкай прэсы