Кіеўская ВНУ пазбавіла Лукашэнку звання ганаровага доктара навук

Кіеўскі нацыянальны ўніверсітэт імя Тараса Шаўчэнкі пазбавіў Аляксандра Лукашэнку звання ганаровага доктара навук, паведамілі РІА «Новости» ў панядзелак у цэнтры камунікацый ВНУ.

Прадстаўніца ВНУ паведаміла агенцтву, што такое рашэнне прынята сёння, 7 чэрвеня.
Лукашэнка стаў першым са 107 чалавек, каго ўніверсітэт пазбавіў звання доктара навук.