Літва забараніла транзіт санкцыйных тавараў у Калінінград

Літва спыніла транзіт тавараў, якія трапілі пад санкцыі ЕC, праз сваю тэрыторыю ў Калінінградскую вобласць. Літоўскія чыгункі апавясцілі аб гэтым улады вобласці. Забарона пачала дзейнічаць з 18 чэрвеня, распавёў у сябе ў тэлеграм-канале губернатар Калінінградскай вобласці Антон Аліханаў.

cargo_traukinys_7.jpg

«Літоўскія чыгункі апавясцілі Калінінградскую чыгунку аб тым, што з нуля гадзін 18 чэрвеня яны спыняюць пропуск транзіту з Калінінградскай вобласці і ў Калінінградскую вобласць з іншых рэгіёнаў Расійскай Федэрацыі вялікага пераліку тавараў, якія трапляюць пад еўрапейскія санкцыі, нібыта», — сказаў Аліханаў.

Па словах Аліханава, літоўскі бок атрымаў тлумачэнні ад Еўракамісіі, у якіх гаворыцца, што выключэння ў санкцыях ЕС не датычацца калінінградскага транзіту.

Паводле папярэдніх ацэнак, забарона закране ад 40% да 50% наменклатуры грузаў, якія перавозіліся паміж Калінінградскай вобласцю і іншымі рэгіёнамі РФ. «Гэта ў тым ліку будаўнічыя матэрыялы, цэмент, метал, цэлы шэраг іншых важных для будаўніцтва і вытворчасці, гатовая прадукцыя, якая вывозілася з нашай тэрыторыі», — сказаў губернатар рэгіёна.

Паводле reform.by.