Пасля захопу расійскімі войскамі ЧАЭС, у Чарнобыльскай зоне зафіксаваная падвышаная радыяцыя

У Чарнобыльскай зоне зафіксавана перавышэнне кантрольных узроўняў радыяцыі. Аднак з-за захопу станцыі расійскімі вайскоўцамі немагчыма даведацца аб прычынах змены радыяцыйнага ўзроўню.

Пра гэта гаворыцца ў паведамленні на старонцы Дзяржаўнай інспекцыі ядзернага рэгулявання Украіны ў Facebook.

"Даныя аўтаматызаванай сістэмы радыяцыйнага маніторынгу зоны адчужэння, якія даступныя ў анлайн-рэжыме, сведчаць аб перавышэнні кантрольных узроўняў дозы гама-выпраменьвання (чырвоных кропак) на значнай колькасці", — гаворыцца ў паведамленні.

У той жа час адзначаецца, што пакуль немагчыма ўсталяваць прычыны змены радыяцыйнага фону ў зоне адчужэння з-за захопу станцыі і бою на гэтай тэрыторыі.

Паводле www.unian.net